عايزه حلل الامونيوم بتاعتك تبرق...تعالي اقولك

عايزه حلل الامونيوم بتاعتك تبرق...تعالي اقولك
كلنا في بيوتنا حلل الومنيوم وممكن من كتر الاستعمال لمعتها تطفي او (تجنزر) بالبلدي
يعني و علي فكره دا بيبقي مضر بالصحه لانك لما بتطبخي فيها و هي كده بتتفاعل مع
الاكل خاصتا الطماطم لان فيها حمضيات و بما ان الحلل الومنيوم بتاخدي منها احلي نتيجة
تسويه و دا عن خبره و بالمقارنه بلانواع الاخري تيجي نعرف بنضفها ازاي

بستعمل في غسيل الومنيوم صابونة (صنل لايت ) طبعا كلنا عارفنها و لو الحلل سودا مكان
السلق مثلا بتضيفي شوية صابون سائل مركز و من غير ما يتخفف و يا سلام بقا لو الصابون
ده فيري او بريل هيديكي نتيجه حلوه اوي مع الصابونه

الطريقه
برغي سلك المواعين بالصابونه كويس وياريت السلك يكون ناعم هيخلي الحلل زي الفضه
بعد الغسيل عشان تسهلي علي نفسك انقعي الصابونه في علبه فيه مايه نص ساعه قبل
الغسيل وتدعكي الحلل مع شوية الصابون السائل
معلش الطريقه دي متعبه شويه بس نتيجتها مجزيه ولو الحله منضفتش من اول مره اشطفي السلكه كويس وعيدي الغسيل من الاول و ممكن بين المرتين تريحي ايدك بس والله هتفرحي اوي لما تشوفي الحلل رجعت جديده و كمان الاهم انك تحافظي علي صحة ولادك اللي مفيش اهم منها في الدنيا و عايزه اقولكم منستعجلش لو موصلتوش للنتيجه المجزيه من اول مره مره علي التانيه هتحصلي علي اللي انتي عايزاه ويا رب اكون افدتكم.

اللي تجرب الطريق و تعجبها تقولي وتعيلي